విజయ్ ని రష్మిక పిలిచే ముద్దుపేరు ఏంటో తెలుసా..?

హీరోయిన్స్ లో ప్రస్తుతం రష్మిక మందన్న టాప్ ఫామ్ లో ఉంది. ‘యానిమల్’, ‘పుష్ప-2’ తో రెండు భారీ పాన్ ఇండియా సక్సెస్ లు అందుకున్న రష్మిక.. రీసెంట్ గా ‘ఛావా’తో హ్యాట్రిక్ ని ఖాతాలో వేసుకుంది. ప్రస్తుతం ‘ఛావా’ సక్సెస్ ని ఎంజాయ్ చేస్తున్న ఈ బ్యూటీ.. తాజాగా సోషల్ మీడియాలో పెట్టిన పోస్ట్ వైరల్ గా మారింది. (Rashmika Mandanna)

రష్మిక తనకు గిఫ్ట్ గా వచ్చిన బొకే ఫొటోని ఇన్ స్టాగ్రామ్ స్టోరీలో షేర్ చేసింది. అంతేకాదు, “నా ఫేస్ మీద స్మైల్ ఎలా తీసుకురావాలో నీకు బాగా తెలుసు పాపలు” అంటూ రాసుకొచ్చింది. ప్రస్తుతం ఈ పోస్ట్ సోషల్ మీడియాలో వైరల్ అవుతోంది. అలాగే రష్మికకు గిఫ్ట్ పంపిన ఆ ‘పాపలు’ ఎవరనేది ఆసక్తికరంగా మారింది.

విజయ్ దేవరకొండ, రష్మిక ప్రేమలో ఉన్నట్లు చాలా రోజులుగా వార్తలొస్తున్నాయి. ఆ వార్తలు నిజమే అన్నట్టుగా విజయ్, రష్మిక హింట్ లు ఇస్తూ వస్తున్నారు. ఈ క్రమంలో రష్మిక తాజా పోస్ట్ చూస్తుంటే.. విజయ్ ని ఆమె పాపలు అనే ముద్దు పేరుతో పిలుస్తుందా అనే అభిప్రాయాలు వ్యక్తమవుతున్నాయి.