ఇంట్రెస్టింగ్‍గా లైనప్
రష్మిక సినిమాల లైనప్ కూడా చాలా ఇంట్రెస్టింగ్‍గా ఉంది. శేఖర్ కమ్ముల దర్శకత్వంలో కుబేర చిత్రంలో రష్మిక కీలకపాత్ర పోషించారు. ఈ మూవీ నుంచి వచ్చిన లుక్, టీజర్ ఆసక్తిని పెంచేశాయి. ఈ సినిమాలో ధనుష్, నాగార్జున లీడ్ రోల్స్ చేశారు. ఈ చిత్రం విడుదల కావాల్సి ఉంది. సికిందర్ చిత్రంలో సల్మాన్‍ ఖాన్‍కు జోడీగా రష్మిక నటిస్తున్నారు. ఫీమేల్ ఓరియెంటెడ్ తెలుగు మూవీ ‘ది గర్ల్ ఫ్రెండ్’ కూాడా రష్మిక చేస్తున్నారు. ఆయుష్మాన్ ఖురానాతో కలిసి థామా చిత్రం కూడా ఆమె లైనప్‍లో ఉంది. ఇలా రష్మిక తదుపరి ప్రాజెక్టులు కూడా చాలా ఇంట్రెస్టింగ్‍గా ఉన్నాయి. తన కాలికి గాయపడ్డానని, షూటింగ్‍లకు కాస్త బ్రేక్ తీసుకోవాల్సి వస్తుందని రష్మిక ఇటీవల చెప్పారు. త్వరలోనే ఆమె మళ్లీ షూటింగ్‍ల్లో పాల్గొననున్నారు.
