ఆర్ఆర్ఆర్ వంటి గ్లోబల్ సక్సెస్ తర్వాత జూనియర్ ఎన్టీఆర్ నటించిన పాన్ ఇండియా మూవీ ‘దేవర’. కొరటాల శివ దర్శకత్వం వహించిన ఈ సినిమా.. 2024 సెప్టెంబర్ 27న ప్రేక్షకుల ముందుకు వచ్చింది. డివైడ్ టాక్ సొంతం చేసుకున్నప్పటికీ, వరల్డ్ వైడ్ గా దాదాపు రూ.500 కోట్ల గ్రాస్ రాబట్టి, ఘన విజయం సాధించింది. ముఖ్యంగా ఇందులో ఎన్టీఆర్ నటనను, డ్యాన్స్ లకు అందరూ ఫిదా అయ్యారు. కేవలం ఎన్టీఆర్ స్టార్డం తోనే ఈ సినిమా ఆ స్థాయి వసూళ్లు రాబట్టిందనే అభిప్రాయాలు వ్యక్తమయ్యాయి. (Jr NTR)
కాగా, దేవర రెండు భాగాలుగా రూపొందనుందని విడుదలకు ముందే మేకర్స్ ప్రకటించిన సంగతి తెలిసిందే. దేవర సినిమా చివరిలోనూ పలు ప్రశ్నలతో.. దేవర-2 కి లీడ్ ఇచ్చారు. దీంతో దేవర-2 కోసం ఎన్టీఆర్ అభిమానులు ఎంతగానో ఎదురుచూస్తున్నారు. అయితే ఇప్పుడసలు.. నిజంగా దేవర-2 ఉంటుందా లేదా? అనే అనుమానాలు వ్యక్తమవుతున్నాయి. (Devara 2)
మొదటి భాగం హిట్ అయితే, రెండో భాగం కోసం ప్రేక్షకులు ఎదురు చూడటం సహజం. కానీ, దేవర సినిమా కంటెంట్ పరంగా ఆశించిన స్థాయిలో మెప్పించలేకపోయింది. కేవలం ఎన్టీఆర్ స్టార్డం తోనే ఆ సినిమా బాక్సాఫీస్ దగ్గర సక్సెస్ సాధించిందనే అభిప్రాయాలున్నాయి. దేవర-2 చేయాలంటే.. పార్ట్-1 కి మించి ఎన్నో రెట్లు మెరుగైన సాలిడ్ కంటెంట్ ఉండాలి. ప్రచార చిత్రాలతోనే ప్రేక్షకులు ఓ రేంజ్ లో అట్రాక్ట్ చేయాలి. వీటన్నింటినీ పక్కన పెడితే.. అసలు దేవర-2 చేయడానికి ఎన్టీఆర్ సిద్ధమేనా? అనేది పెద్ద క్వశ్చన్ మార్క్.
ఎన్టీఆర్ ప్రస్తుతం బాలీవుడ్ ఫిల్మ్ ‘వార్-2’తో బిజీగా ఉన్నాడు. త్వరలో ప్రశాంత్ నీల్ డైరెక్షన్ లో ‘డ్రాగన్’ షూటింగ్ మొదలు పెట్టనున్నాడు. ఆ తర్వాత నెల్సన్ దిలీప్ కుమార్ ప్రాజెక్ట్ లైన్ లో ఉంది. ఇవన్నీ పూర్తి కావడానికి కనీసం రెండేళ్లు పడుతుంది. అప్పటికి దేవర-2 పై ప్రేక్షకుల్లో ఏ మేరకు ఆసక్తి ఉంటుందో తెలీదు. ఎన్టీఆర్ సైతం స్క్రిప్ట్ ఓ రేంజ్ లో వచ్చి, అన్నీ ఓకే అనుకుంటేనే దేవర-2 చేసే అవకాశముంది. ప్రస్తుతానికైతే దేవర-2 విషయంలో కొరటాలకు ఎన్టీఆర్ ఎటువంటి కమిట్ మెంట్ ఇవ్వలేదని తెలుస్తోంది. అందుకే కొరటాల కూడా.. ఓ వైపు తన టీంతో దేవర-2 స్క్రిప్ట్ వర్క్ చేస్తూనే, మరోవైపు వేరే సినిమా చేయడానికి సన్నాహాలు చేస్తున్నట్లు సమాచారం.
ఇండస్ట్రీ సర్కిల్స్ లో కూడా.. ప్రస్తుతానికైతే దేవర-2 లేదనే మాటే వినిపిస్తోంది. ప్రస్తుతం చేతిలో ఉన్న సినిమాలు పూర్తయ్యాక.. ఎన్టీఆర్ తీసుకునే నిర్ణయాన్ని బట్టి, రెండేళ్ల తర్వాత దేవర-2 ఉంటే ఉండొచ్చని అంటున్నారు.
మరి మీరేమంటారు? అసలు ఎన్టీఆర్.. దేవర-2 చేయాలా వద్దా? ఈ విషయంలో మీ అభిప్రాయం ఏంటి? అనేది కామెంట్ రూపంలో తెలియజేయండి.
