యంగ్, లేథమ్ సెంచరీలు
మొదట బ్యాటింగ్ చేసిన కివీస్ భారీ స్కోరు సాధించింది. విల్ యంగ్ (107), టామ్ లేథమ్ (118 నాటౌట్) సెంచరీలతో అదరగొట్టారు. గ్లెన్ ఫిలిప్స్ (61) మెరుపు ఇన్నింగ్స్ ఆడాడు. ఫిలిప్స్ మెరుపు షాట్లతో పాక్ బౌలర్లపై ఎదురు దాడికి దిగాడు. ఎడాపెడా బౌండరీలు బాదాడు. 39 బంతుల్లోనే 3 ఫోర్లు, 4 సిక్సర్లతో 61 పరుగులు చేశాడు. మరోవైపు 104 బంతుల్లో 118 పరుగులు చేసిన లేథమ్ 10 ఫోర్లు, 3 సిక్సర్లు కొట్టాడు.
