ఉద్యోగుల విభజన..
2,500 మంది జనాభా ఉన్న స‌చివాల‌యాల‌ను ఏ కేట‌గిరీగా, 2,501 నుంచి 3,500 వ‌ర‌కు జనాభా ఉంటే బీ కేట‌గిరీగా, 3,501 కంటే ఎక్కువ‌గా జనాభా ఉంటే సీ కేట‌గిరీగా విభ‌జించారు. 2,500 మంది జనాభా ఉన్న స‌చివాల‌యానికి (ఏ కేట‌గిరీ) ఆరుగురు, 2,501 నుంచి 3,500 వ‌ర‌కు జనాభా ఉన్న స‌చివాల‌యానికి (బీ కేట‌గిరీ) ఏడుగురు, 3,501 కంటే ఎక్కువ‌గా జనాభా ఉన్న స‌చివాల‌యానికి (సీ కేట‌గిరీ) ఎనిమిది మందిని కేటాయించారు. ఇలా ఉద్యోగుల‌ను విభ‌జించ‌డంతో దాదాపు 40 వేల మంది ఉద్యోగులు మిగులుగా ఉంటారు. వీరిని ఇత‌ర ప్ర‌భుత్వ శాఖ‌ల్లో వివిధ అవ‌స‌రాల‌కు ప్ర‌భుత్వం వినియోగించ‌నుంది.
