బర్డ్ ఫ్లూ ద్వారా తీవ్ర శ్వాస కోశ ఇబ్బందులు
బర్డ్ ఫ్లూ పక్షులలో ప్రాణాంతక వ్యాధి. పక్షుల్లో పది రోజుల పాటు లాలాజలం, విసర్జక వ్యర్ధాల్లో వైరస్ రూపంలో ఉంటుంది. ఈ వ్యాధి సోకిన కోళ్లలో తీవ్రమైన శ్వాసకోశ ఇబ్బందులు, శ్వాస ఆడకపోవడం, జ్వరం, దగ్గు, కండరాల నొప్పులు, విరేచనాలు వంటి లక్షణాలతో మరణిస్తాయి. ఈ వైరస్ గాలి ద్వారా వ్యాప్తి చెందుతుంది. ఇది మనుషులకు సులభంగా వ్యాపించదు. వ్యాధి సోకిన కోళ్ల పచ్చి గుడ్డును కానీ చికెన్ కానీ తీసుకోవడం వలన వ్యాధి సోకే ప్రమాదం ఉంది. కావున గుడ్డును, చికెన్ ను 75 డిగ్రీల సెంటీగ్రేడ్ పైన ఉడికించడం వలన వైరస్ చనిపోతుంది. కావున అట్టి ఉష్ణోగ్రత వద్ద ఉడికించి నిరభ్యంతరంగా తినవచ్చు.
