అంతకుముందు ఈ ఏడాది ఫిబ్రవరిలో సుప్రీంకోర్టు ఇదే వైఖరిని తీసుకుంది. మహిళా విద్యార్థినులు, ఉద్యోగులకు రుతుక్రమ సెలవులు కల్పించేలా అన్ని రాష్ట్రాలను ఆదేశించాలని కోరుతూ దాఖలైన పిటిషన్‌లో.. ఈ సమస్య విధానపరమైన అంశమని కోర్టు పేర్కొంది. ప్రస్తుతం బీహార్, కేరళ రెండు రాష్ట్రాలు మాత్రమే రుతుక్రమ సెలవులను అందిస్తున్నాయి. బీహార్‌లో మహిళా ఉద్యోగులకు రెండు రోజులు రుతుక్రమ సెలవులు ఇస్తున్నారు. అదేవిధంగా కేరళలో మూడు రోజుల రుతుక్రమ సెలవులు విద్యార్థినులకు అందజేస్తున్నారు.
