పిల్లల్ని స్కూలుకి పంపిన తరువాత వారు వచ్చే వరకు తల్లిదండ్రులు ఆందోళనగా వారి కోసం వెయిట్ చేస్తున్నారు. వారు పాఠశాలలో ఎలా ఉంటున్నారో, తింటున్నారో లేదో అన్న ఆలోచనలు మీలో వస్తాయి. మీ పిల్లలకు స్కూలు నచ్చిందో లేదో, అతను స్కూల్లో ఎలా ఫీలవుతున్నాడో తెలుసుకునేందుకు మీరు ప్రతిరోజూ మీ పిల్లలతో మాట్లాడాలి. పిల్లలు పాఠశాల నుండి ఇంటికి తిరిగి వచ్చిన వెంటనే, తల్లిదండ్రులు వారితో కొన్ని విషయాలు చర్చించాలి. తల్లిదండ్రులు తమ పిల్లల క్షేమాన్ని, వారి శ్రేయస్సును కోరకునే వారైతే స్కూలు నుంచి పిల్లలు వచ్చాక కచ్చితంగా వారితో కొన్ని విషయాలు మాట్లాడాలి. మంచి పెంపకంలో ఇది కూడా భాగమే. మీ బిడ్డను ప్రశ్నలు అడిగాక వారు చెప్పిన సమాధానాల నుంచే వారు స్కూల్లో ఎలా ఉంటున్నారో అర్ధం చేసుకోవచ్చు.
