విజువల్స్, ఎమోషన్లు కూడా..
కామెడీ, ఎమోషన్లు, స్టన్నింగ్ విజువల్స్ కలగలిసిన మంచి ఫ్యామిలీ ఎంటర్‌టైనర్ ఆయ్ అంటూ చాలా మంది పోస్టులు చేస్తున్నారు. గోదావరి అందాలను కథలో భాగంగా బాగా చూపించారని అంటున్నారు. నార్నే నితిన్‍తో పాటు హీరోయిన్ నయన్ సారిక కూడా నటనతో మెప్పించారని పోస్టులు చేస్తున్నారు. ఫస్టాఫ్, సెకండ్ హాఫ్ సినిమా అంతా ఎంటర్‌టైనింగ్‍గా సాగిందని నెటిజన్లు అభిప్రాయపడుతున్నారు. ఇంటర్వెల్‍కు ముందు కాస్త డ్రాస్ చేసినట్టు అనిపించినా.. పెద్దగా బోర్ కొట్టదని, మిగిలిన సినిమా మొత్తం ఆకట్టుకుందని కొందరు కామెంట్లు చేస్తున్నారు. కామెడీతో పాటు ఎమోషన్ కూడా బాగా పండిందని అభిప్రాయపడుతున్నారు.
