ఉపవాసం రోజు తక్షణ శక్తినిచ్చే ఆహారాలు తినాల్సిందే. ఉపవాసం రోజున ఒక పూట తిన్నాకూడా రోజంతా నీరసం లేకుండా చేసే ఆహారం తీసుకోవాలి. దానికోసం ఆ రోజు ఎక్కువగా బంగాళదుంపలు, సాబుదానా, చిలగడ దుంపలు, వేరుశనగల్లాంటివి ఆహారంలో ఎక్కువగా తీసుకుంటారు. వాటితోనే రకరకాల వంటలు చేసి తింటారు. ఎప్పుడూ చేసుకునే సాబుదానా కిచిడీ, వడలు కాకుండా ఈ సారి ఉపవాసం రోజున ఆలూతో చేసే కిచిడీ రుచి చూడండి. కిచిడీ కదాని దీంట్లో బియ్యం ఏమీ వాడము. కేవలం ఆలూను తురిమేసి చేస్తాం. దీంతో కడుపు నిండడంతో పాటూ మంచి రుచితో ఉంటుంది. దీని తయారీ విధానం, కావాల్సిన పదార్థాలు చూసేయండి.