మునక్కాయల్లో మన శరీరానికి అవసరమైన ఎన్నో పోషకాలు ఉంటాయి. అలాగే చేపల్లో కూడా మన మానసిక ఆరోగ్యాన్ని కాపాడే న్యూట్రిషన్స్ నిండి ఉంటాయి. ఈ రెండూ కలిపి వండడం వల్ల శారీరక, మానసిక ఆరోగ్యానికి ఎంతో మేలు జరుగుతుంది. మునక్కాయలో యాంటీ ఇన్ఫ్లమేటరీ, యాంటీ బ్యాక్టీరియా లక్షణాలు ఉంటాయి. ఆస్తమా, దగ్గు వంటి సమస్యలు ఉన్నవారు మునక్కాయను తరచుగా తింటే మంచిది. అలాగే శ్వాసకోశ సమస్యల బారిన పడకుండా కూడా మునక్కాయలోని సమ్మేళనాలు కాపాడతాయి. రోగనిరోధక శక్తిని పెంచడంలో చేపలు, మునక్కాయలు ఈ రెండూ ముందుంటాయి. కాబట్టి వారానికి ఒకసారి లేదా రెండు వారాలకు ఒకసారైనా మునక్కాయ చేపల పులుసును వండుకొని చూడండి. ఇది చాలా రుచిగా కూడా ఉంటుంది.
