జానీ మాస్టర్‌కు జాతీయ అవార్డును నిలిపివేయడంపై కొరియోగ్రాఫర్, బిగ్‍బాస్ ఫేమ్ ఆట సందీప్ స్పందించారు. అవార్డును వెనక్కి తీసుకోవడం సరికాదంటూ సోషల్ మీడియాలో వీడియో పోస్ట్ చేశారు. “జానీ మాస్టర్‌కు నేషనల్ అవార్డ్ క్యాన్సిల్ అయందని సోషల్ మీడియాలో చూశా. చాలా బాధగా అనిపించింది. ఓ ఆడపిల్ల విషయం, సెన్సిటివ్ విషయం అని ఇంతకాలం నేను జానీ మాస్టర్ అంశంలో మాట్లాడలేదు. వాళ్లకి వాళ్లకి ఏదో ఉండొచ్చు. లీగల్‍గా జానీ మాస్టర్ ప్రొసీడ్ అవుతారని అనుకున్నా. కానీ ఈరోజు జానీ మాస్టర్‌కు నేషనల్ అవార్డు క్యాన్సిల్ చేసే రేంజ్‍కు వెళ్లిపోయిందంటే చాలాచాలా బాధపడుతున్నా” అని సందీప్ అన్నారు.
