ఎగిరే పక్షులు మన కళ్ల ముందుంటే చూడ్డానికి ఆహ్లాదంగా అనిపిస్తుంది. అది కాస్తా ఇబ్బందిగా మారితేనే తగ్గించే మార్గాల కోసం వెతకాల్సి వస్తుంది. ముఖ్యంగా అపార్ట్‌మెంట్లలో ఉండేవాళ్లకు చాలా చోట్ల పావురాల వల్ల ఇబ్బంది ఎక్కువగా ఉంటుంది. బాల్కనీల్లోకి వచ్చి రెట్టలు వేయడం, ఈకల వల్ల మరీ అశుభ్రంగా తయారవుతుంది. వాటి దుమ్మునుంచి, రెక్కల నుంచి, రెట్టల నుంచి కొన్ని వ్యాధులు వస్తాయనే భయం కూడా ఉంటుంది. వాటి శబ్దాలతో కూడా కాస్త ఇబ్బందే. అయితే ఎన్నిసార్లు తరిమికొట్టినా మళ్లీ మళ్లీ ఎక్కువ సంఖ్యలో పావురాలు వచ్చి ఇబ్బంది పెడితే కొన్ని చిట్కాలు పనిచేస్తాయి.
