హరితేజను సేవ్ చేసిన గౌతమ్.. నామినేషన్లు ఇలా..
ఎనిమిదో వారం నామినేషన్ల ప్రక్రియ ఏకంగా రెండు ఎపిసోడ్ల పాటు సాగింది. కంటెస్టెంట్లు హోరాహోరీగా కారణాలు చెబుతూ వాగ్వాదాలు చేసుకున్నారు. చాలా హాట్‍గా నామినేషన్లు సాగాయి. ముఖ్యంగా రోహిణి, పృథ్వి మధ్య తీవ్రంగా వాగ్వాదం జరిగింది. అతడిపై రోహిణి తీవ్ర అభ్యంతరం వ్యక్తం చేశారు. కాగా, నామినేషన్ నుంచి ఒకరిని తప్పించే పవర్‌ను మెగాచీఫ్ గౌతమ్ కృష్ణకు బిగ్‍బాస్ ఇచ్చారు. దీంతో హరితేజను గౌతమ్ సేవ్ చేశారు. మొత్తంగా ఆరుగురు నామినేషన్లలో నిలిచారు. మహబూబ్, ప్రేరణ, నిఖిల్, నయని పావని, పృథ్విరాజ్, విష్ణుప్రియ నామినేషన్లలో ఉన్నారు.
