Bomb threats to flights: వివిధ భారతీయ విమానయాన సంస్థలకు చెందిన 70కి పైగా విమానాలకు గురువారం బాంబు బెదిరింపులు వచ్చాయి. ఎయిరిండియా, విస్తారా, ఇండిగోకు చెందిన 20 విమానాల రాకపోకలకు, అకాసా ఎయిర్ కు చెందిన 14 విమానాలకు బెదిరింపులు వచ్చాయి. ఈ నేపథ్యంలో ఇండిగో ఎయిర్ లైన్స్ కు చెందిన మొత్తం 20 దేశీయ, అంతర్జాతీయ విమానాలకు గురువారం భద్రతాపరమైన హెచ్చరికలు అందాయి. అవన్నీ ఫేక్ బెదిరింపులని తేలిందని, అయినా, తాము సంబంధిత అధికారులతో కలిసి, ప్రామాణిక ఆపరేటింగ్ విధానాలను అనుసరించామని ఎయిర్ లైన్స్ ప్రకటించాయి.
