భారీగా పెరిగిన నిర్వహణ వ్యయం
ఈ త్రైమాసికంలో ఇండస్ ఇండ్ బ్యాంక్ నిర్వహణ వ్యయాలు రూ.3,450 కోట్ల నుంచి 14 శాతం పెరిగి రూ.3,932 కోట్లకు చేరాయి. ఈ త్రైమాసికంలో బ్యాంక్ ప్రీ ప్రొవిజన్ ఆపరేటింగ్ ప్రాఫిట్ (PPOP) 8 శాతం క్షీణించి రూ.3,909 కోట్ల నుంచి రూ.3,600 కోట్లకు పరిమితమైంది. సెప్టెంబర్ త్రైమాసికం ముగిసే సమయానికి డిపాజిట్లు 15 శాతం పెరిగి రూ.4,12,397 కోట్లకు చేరుకున్నాయి. కాసా (కరెంట్ అకౌంట్ సేవింగ్స్ అకౌంట్) డిపాజిట్లు రూ.1,47,944 కోట్లకు పెరిగాయని, కరెంట్ అకౌంట్ డిపాజిట్లు రూ.52,606 కోట్లు, సేవింగ్స్ అకౌంట్ డిపాజిట్లు రూ.95,338 కోట్లకు పెరిగాయని బ్యాంక్ తెలిపింది. సెప్టెంబర్ త్రైమాసికం ముగిసే నాటికి మొత్తం డిపాజిట్లలో కాసా డిపాజిట్లు 35.87 శాతంగా ఉన్నాయి. ఎల్సిఆర్ (లిక్విడిటీ కవరేజ్ రేషియో) ప్రకారం రిటైల్ డిపాజిట్లు 16 శాతం పెరిగి రూ .1,57,187 కోట్ల నుండి రూ .1,81,911 కోట్లకు చేరుకున్నాయి.
