రెండో కథ వామనుడు, బలి చక్రవర్తికి సంబంధించింది. దాన ధర్మాలు చేయడంలో బలి చక్రవర్తి ముందుంటాడు. విష్ణువు వామన రూపంలో బలి చక్రవర్తి దగ్గరకు వచ్చి మూడడుగుల భూమి కావాలని కోరాడు. అందుకు సరేనని బలి ఒప్పుకుంటాడు. అయితే వామనుడు ఒక అడుగుతో భూమిని, మరొక అడుగుతో ఆకాశాన్ని తీసుకున్నాడు. మూడో అడుగు ఎక్కడ వేయాలని అంటే బలి తన తల మీద పెట్టమని చెప్పాడు. వామనుడు అడుగు పెట్టడంతో బలి చక్రవర్తి పాతాళంలోకి వెళ్ళాడు. బలి మంచి మనసుకు సంతోషించిన విష్ణుమూర్తి వరం ఏదైనా కోరుకోమని అడిగాడు. చతుర్దశి రోజు ఎవరైతే దీపాలు వెలిగిస్తారో వాళ్ళు పూర్వీకులతో పాటు నరకానికి వెళ్ళకుండా ఉండే విధంగా వరం ఇవ్వమని అడుగుతాడు.
