ఏపీ గ్రూప్-2 మెయిన్స్ పై ఏపీపీఎస్సీ బిగ్ అప్డేట్ ఇచ్చింది. వచ్చే ఏడాది జనవరి 5న గ్రూప్-2 సర్వీసెస్ మెయిన్స్ రాత పరీక్ష నిర్వహించనున్నట్లు ప్రకటించింది. ఈ మేరకు బుధవారం ఓ ప్రకటన చేసింది. మొత్తం 13 జిల్లాల్లో జనవరి 05, 2025 గ్రూప్-2 మెయిన్స్ నిర్వహించనున్నట్లు తెలిపింది. ఈ పరీక్షను రెండు సెషన్లలో నిర్వహిస్తారు. దాదాపు లక్ష మంది అభ్యర్థులు ఈ పరీక్షకు హాజరు కానున్నారు. డీఎస్సీ, ఎస్ఎస్సీ, ఇంటర్ పరీక్షలను పరిగణనలోకి తీసుకుని తేదీని ఖరారు చేసినట్లు ఏపీపీఎస్సీ తెలిపింది. మరిన్న వివరాలకు కమిషన్ వెబ్సైట్ https://portal-psc.ap.gov.in/ సందర్శించాలని సూచించింది.
