హెన్నాతో కోడిగుడ్డు
తరచూ హెన్నా పెట్టుకునే వారి సంఖ్య ఎక్కువే. ఇలా హెన్నా పెట్టుకునేటప్పుడు కోడిగుడ్డును కూడా అందులో కలిపి పెట్టుకోవడానికి ప్రయత్నించండి. ఒక గిన్నెలో మూడు టీ స్పూన్ల హెన్నా పొడి వేయండి. అందులోనే అరకప్పు కంటే తక్కువ నీటిని వేసి బాగా కలపండి. ఇప్పుడు రెండు టీ స్పూన్ల పాలు, రెండు కోడిగుడ్లను కూడా వేసి బాగా కలపండి. ఈ మాస్క్ ను మొత్తం జుట్టుకు పట్టించండి. కేవలం హెన్నా మాత్రమే కాదు ఇందులో మెంతికూర కూడా వేసి కలపవచ్చు. ఇలా జుట్టుకు అప్లై చేసుకున్నాక అరగంట పాటు అలా వదిలేయాలి. తర్వాత తేలికపాటి షాంపూతో స్నానం చేసుకోవాలి. తరచూ ఇలా చేస్తే మీ జుట్టులో పెరుగుదల కనిపిస్తుంది. జుట్టు రాలే సమస్య కూడా తగ్గుతుంది.
