కోటి సోమవారం అంటే ఏంటి?
కోటి సోమవారం అంటే సోమవారం వచ్చిన రోజునే పిలుస్తారని చాలా మంది అనుకుంటారు. కానీ అది చాలా అరుదుగా మాత్రమే వస్తుంది. కార్తీక మాసంలో శ్రవణా నక్షత్రంతో కూడిన తిథి వచ్చిన రోజును కోటి సోమవారంగా పరిగణిస్తారు. శ్రవణా నక్షత్రం నవంబర్ 8 ఉదయం 9. 18 గంటల నుంచి ప్రారంభమై నవంబర్ 9 ఉదయం 9 గంటల వరకు ఉంటుంది. సూర్యోదయానికి నక్షత్రం ఉన్న రోజునే కోటి సోమవారంగా పరిగణిస్తారు. అలా నవంబర్ 9 కోటి సోమవారం వచ్చింది. ఈరోజు ఏ పని చేసిన అది కోటి రెట్లు ఫలితం ఇస్తుందని అంటారు. ఈరోజు చేసే స్నానం, దానం, జపం, ఉపవాసం వంటి వాటికి విశేషమైన ప్రాముఖ్యత ఉంటుంది.
