పవన్ కల్యాణ్ తో డీజీపీ భేటీ
డిప్యూటీ సీఎం పవన్ కల్యాణ్ తో డీజీపీ ద్వారకా తిరుమలరావు భేటీ అయ్యారు. మంగళగిరి క్యాంపు కార్యాలయంలో వీరిద్దరూ సమావేశమై పలు కీలక అంశాలపై చర్చించారు. రాష్ట్రంలో మహిళలపై జరుగుతున్న లైంగిక దాడులు, సోషల్ మీడియాలో అసభ్యకరమైన పోస్టులపై కూటమి సర్కార్ ఆగ్రహం వ్యక్తం చేస్తుంది. ఈ నేపథ్యంలో పవన్ కల్యాణ్, డీజీపీ భేటీపై ప్రాధాన్యత సంతరించుకుంది. సామాజిక మాధ్యమాల్లో వైసీపీ నేతల పోస్టులపై చర్యలు తీసుకోకపోవడంపై పోలీసుల తీరును పవన్ తప్పుబట్టారు. రాష్ట్రంలో జరుగుతున్న నేరాలు, సామాజిక మాధ్యమాల్లో పోస్టులు, అరెస్టులపై పవన్ కల్యాణ్ తో డీజీపీ చర్చించినట్లు తెలుస్తోంది.
