మునగాకుల్లో పోషకాలు
మునగాకులను తినడం వల్ల విటమిన్ ఏ, విటమిన్ సి, విటమిన్ బి వంటి ముఖ్యమైన పోషకాలు శరీరానికి అందుతాయి. అలాగే జింక్, ఐరన్, కాపర్, క్యాల్షియం, పొటాషియం, మెగ్నీషియం, మాంగనీస్ వంటివి కూడా మన శరీరానికి చేరుతాయి. ముఖ్యంగా మహిళలు ప్రతిరోజూ మునగాకు లడ్డును తినడం వల్ల వారి చర్మం మెరిసిపోతుంది. జుట్టు పెరుగుతుంది. గోళ్లు ఆరోగ్యంగా ఉంటాయి. కాబట్టి నెల రోజులు పాటు రోజుకో మునగాకు లడ్డు తిని చూడండి. నెల రోజుల తర్వాత మీ చర్మంలో, జుట్టులో, గోళ్ళలో మార్పును గమనించండి. అలాగే పిల్లలకు ఈ మునగాకు లడ్డూను తినిపించడం వల్ల వారి రోగ నిరోధక శక్తి కూడా పెరుగుతుంది. వారికి సీజనల్ జ్వరాలు, జలుబు, దగ్గు వంటివి రాకుండా ఉంటాయి.
