ఇప్పటి వరకు రూ.9,74,556 కోట్ల అప్పు తేలిందని చంద్రబాబు వ్యాఖ్యానించారు. రూ.431 కోట్లతో రుషికొండ ప్యాలెస్‌ నిర్మించారని.. రుషికొండ ప్యాలెస్‌ను చూస్తే కళ్లు తిరుగుతున్నాయని సీఎం వ్యాఖ్యానించారు. ప్రజాధనంతో ఇంత పెద్ద ప్యాలెస్‌ కడతారా? పర్యావరణాన్ని విధ్వంసం చేసి రుషికొండ ప్యాలెస్‌ కట్టారని చంద్రబాబు ఆగ్రహం వ్యక్తం చేశారు. రూ.700 కోట్లతో సర్వే రాళ్లపై బొమ్మలు వేశారని.. ఓ పత్రికకు రూ.400 కోట్ల ప్రకటనలు ఇచ్చారని వెల్లడించారు. రూ.500 కోట్లు ఖర్చు చేసి ఉంటే రోడ్లు బాగయ్యేవని చంద్రబాబు స్పష్టం చేశారు.
