PM Modi: జార్ఖండ్ లో స్వాతంత్య్ర సమరయోధుడు బిర్సా ముండా 150వ జయంతి కార్యక్రమంలో పాల్గొనడానికి ప్రధాని నరేంద్ర మోదీ (narendra modi) శుక్రవారం ఉదయం దియోఘర్ పట్టణానికి వచ్చారు. అయితే, ఆయన వచ్చిన విమానంలో సాంకేతిక లోపం తలెత్తింది. దియోఘర్ విమానాశ్రయంలో ల్యాండ్ అయిన తరువాత ఆ సాంకేతిక లోపాన్ని గుర్తించారు. దాంతో, ఆ విమానాన్ని అక్కడే విమానాశ్రయంలోనే ఉంచి, ప్రత్యామ్నాయ విమానాన్ని పీఎంఓ అధికారులు ఏర్పాటు చేస్తున్నారు. దీంతో, ప్రధాని మోదీ ఢిల్లీ తిరుగు ప్రయాణం ఆలస్యమైంది.
