Kadapa Knife Attack : కడప జిల్లాలో ప్రేమోన్మాది ఘాతుకం, ప్రేమించడంలేదని యువతిపై కత్తితో దాడి-kadapa knife attack lover attacked with knife for not love her ,జాతీయ

వివాహితపై కత్తితో దాడి

ప్ర‌కాశం జిల్లాలోని గిద్ద‌లూరు ప‌ట్ట‌ణం ర‌జ‌కవీధిలో దారుణం జరిగింది. ఓ యువకుడు మహిళను హత్య చేశాడు. ఈ ఘటన గురించి బాధిత మ‌హిళ కుటుంబ స‌భ్యులు తెలిపిన వివ‌రాల ప్ర‌కారం.. రాచ‌ర్ల మండ‌లానికి చెందిన పేకినేని సుహాసిని (28), కృష్ణ భార్య భ‌ర్త‌లు. వీరికి ఇద్ద‌రు సంతానం. కుమారుడు, కుమార్తె ఉన్నారు. భ‌ర్త కృష్ణ రెండేళ్ల కిందటే మృతి చెందాడు. భ‌ర్త ద‌హ‌న సంస్కారాలు పూర్తయిన త‌రువాత సుహాసిని రాచ‌ర్లలోని ఎస్‌సీ కాల‌నీకి చెందిన నాని అనే యువ‌కుడితో క‌లిసి హైద‌రాబాద్ వెళ్లిపోయింది. నానితో కొన్ని నెల‌ల పాటు స‌హ‌జీవ‌నం చేసింది. ఆ త‌రువాత వారిద్దరికి గొడ‌వులు వచ్చాయి. దీంతో సుహాసిని ఐదు నెల‌ల కిందట మ‌ళ్లీ త‌ల్లిదండ్రుల వ‌ద్ద‌కు వ‌చ్చేసింది. అప్పుడు నాని కూడా గిద్ద‌లూరికి వ‌చ్చేశాడు. సుహాసిని వ‌ద్ద‌కు వెళ్లి క‌లిసి ఉందామ‌ని వేధిస్తున్నాడు. నాని వేధింపులు భ‌రించ‌లేక సుహాసిని రాచ‌ర్ల పోలీస్ స్టేష‌న్‌కు వెళ్లి ఫిర్యాదు చేసింది. రాచ‌ర్ల పోలీసులు నానిని స్టేష‌న్‌కు పిలిపించి, కౌన్సిలింగ్ ఇచ్చారు. సుహాసిని వేధించ‌డం మానుకోవాల‌ని హెచ్చ‌రించారు.