Infosys Q3 Results: భారత ఇన్ఫర్మేషన్ టెక్నాలజీ (ఐటీ) దిగ్గజ కంపెనీ ఇన్ఫోసిస్ 2024-25 ఆర్థిక సంవత్సరానికి (Q3FY25) అక్టోబర్-డిసెంబర్ త్రైమాసిక ఆదాయాన్ని ప్రకటించింది. ఈ త్రైమాసికంలో కంపెనీ రూ.6,806 కోట్ల నికర లాభాలను ఆర్జించింది. ఇది గత సంవత్సరం క్యూ3 లో సంస్థ సాధించిన నికర లాభాల కన్నా 11.4 శాతం అధికం. గత క్యూ3 లో ఇన్ఫోసిస్ లాభం రూ. 6,106 కోట్లు. అలాగే, ఈ ఆర్థిక సంవత్సరం రెండో త్రైమాసికంలో సంస్థ లాభం రూ. 6,506 కోట్లు. క్యూ2తో పోలిస్తే, క్యూ3 లో లాభం 4.6 శాతం పెరిగింది.
