క్యాన్సర్ లో అనేక రకాలు ఉన్నాయి. ప్రజల్లో క్యాన్సర్ లక్షణాలపై కూడా ఎలాంటి అవగాహన లేదు. ప్రపంచవ్యాప్తంగా కోటి మంది ప్రతి ఏడాది క్యాన్సర్ తో మరణిస్తున్నట్టు అధికారిక లెక్కలు చెబుతున్నాయి. ఇక మనదేశం విషయానికి వస్తే ఏటా సుమారు పదకొండు లక్షల మందికి క్యాన్సర్ సోకుతున్నట్టు తెలుస్తోంది. ముఖ్యంగా రొమ్ము క్యాన్సర్, నోటి క్యాన్సర్, గర్భాశయ క్యాన్సర్, ఊపిరితిత్తుల క్యాన్సర్, బ్లడ్ క్యాన్సర్ వంటివి అధికంగా వస్తున్నాయి. క్యాన్సర్ రావడానికి వయసు పెరగడం, జన్యుపరమైన కారణాలు, రోగనిరోధక వ్యవస్థ సరిగా పనిచేయకపోవడం, మద్యపానం, ధూమపానం, చెడు ఆహారపు అలవాట్లు వంటివే కారణాలు.
