ప్రేమికులకు అంటే ఒకరికోసం ఒకరు అని పరితపించే ప్రతి ఒక్కరికీ ఫిబ్రవరి నెల చాలా ప్రత్యేకం. ఎందుకంటే, ఫిబ్రవరి 14 రోజున వచ్చే వాలెంటైన్స్ డే, ఈ సందర్భంగా జరుపుకునే వాలెంటైన్స్ వీక్ ఈ నెల మొత్తాన్ని స్పెషల్ చేసేస్తాయి. ఒకరికొకరు మనసులో భావాలను తెలుపుకుంటూ, ఇన్ని రోజులుగా తమలో దాచుకున్న ఫీలింగ్స్ ను బయటపెట్టేస్తుంటారు. ఫిబ్రవరి 8న ప్రపోజ్ డే సందర్భంగా తాము ఇష్టపడే వారిని ఇంప్రెస్ చేసేందుకు, ప్రేమను వ్యక్తపరిచేందుకు గిఫ్ట్‌లు ఇస్తుంటారు. కానీ, ఎలాంటి గిఫ్ట్ ఇచ్చినప్పుడైనా దానితో పాటు ప్రత్యేకమైన మెసేజ్ లేదా కవిత లేకుంటే అందులోని ప్రేమ అసంపూర్ణంగానే మిగిలిపోతుంది.
