శత్రు బాధలు, నరదిష్టి సమస్యల నుంచి బయట పడాలంటే ఎప్పుడు దిష్టి గుమ్మడికాయ కట్టాలి?
- బూడిద గుమ్మడికాయ శివ శక్తుల సంయుక్త స్వరూపం. బూడిద గుమ్మడికాయ సానుకూల శక్తిని, ప్రతికూల శక్తిని రెండిటిని కూడా తీసుకుంటుంది.
- బూడిద గుమ్మడికాయను ఇంటికి కట్టేటప్పుడు దానిని శుభ్రంగా కడగకూడదు. అలా కడిగినట్లయితే దానికి ఉన్న గుణాలు తొలగిపోతాయి. ఇంటికి బూడిద గుమ్మడికాయని కట్టే ముందు పసుపు రాసి కుంకుమతో బొట్లు పెట్టాలి.
- బూడిద గుమ్మడికాయ కి తొడిమ ఉండాలి. తొడిమ లేని బూడిద గుమ్మడికాయని కడితే పనిచేయదు. దాని వలన ఎలాంటి రక్షణ కలగదు.
బూడిద గుమ్మడికాయని ఏ రోజుల్లో కడితే మంచి ఫలితం ఉంటుంది?
- అమావాస్య రోజు, అది కూడా సూర్యోదయానికి ముందు బూడిద గుమ్మడికాయను ఇంటికి కట్టడం వలన అద్భుతంగా పనిచేస్తుంది.
- బుధవారం, శనివారం రోజుల్లో కూడా సూర్యోదయానికి ముందు ఇంటికి బూడిద గుమ్మడికాయని కట్టుకోవచ్చు.
- సూర్యోదయానికి ముందు బూడిద గుమ్మడికాయని కడితే ఉత్తమ ఫలితాలని పొందవచ్చు. సూర్యాస్తమయం అయిపోయిన తర్వాత బూడిద గుమ్మడికాయను ఇంటికి కట్టడం వలన ఎలాంటి లాభం ఉండదు.
- గుమ్మడికాయను ఇంటి ముందు కట్టడం వలన కాలభైరవుడు మన ఇంటికి రక్షణగా ఉంటాడని వాస్తు పండితులు చెప్తున్నారు.
- ఇంటికి వచ్చే చెడు శక్తులు, దోషాలు ఇవన్నీ తొలగిపోయి సంతోషంగా ఉండొచ్చు.
గమనిక : ఈ కథనంలో మీకు అందించిన సమాచారం, సూచనలు పూర్తిగా నిజమైనది, ఖచ్చితమైనది అని మేము చెప్పలేము. నిపుణుల సూచనల ప్రకారమే మేము ఈ సమాచారాన్ని అందిస్తున్నాం. వీటిని పాటించే ముందు ఖచ్చితంగా సంబంధిత రంగంలోని నిపుణుల సలహా తీసుకోవడం మంచిది.
